作為小編應唔應該買facebook呢？這個問題就好像問，為李嘉誠打工應不應該買1號仔1113或者1038呢？投資自己熟悉嘅行業，係巴菲特嘅思路對不對？
投資facebook已經不是看重它的創作能力，無論是小編或是其他明眼人都看得出，社交媒體平台未來發展方向其實沒有太大的創新空間，反而應該看它們有怎樣的盈利能力。
這方面我對朱西伯伯有絕對嘅信心，因為跟風對他來說易過食生菜，除非是法規不容許（例如自家虛擬貨幣Libra），否則他一定可以把對手抄到青出於藍勝於藍，睇 “IG story” 就知咩料。
最新cap水功能：充值打賞Star
打賞功能唔少平台都有，早前YouTube亦頂唔順分錢畀creator而搞咗打賞功能，Facebook當然要跟機，其實舊年11月時已經手痕想寫關於 “打賞Star”，因為當時睇Facebook policy時已經見到這個功能（小編隨時隨地都要update Facebook的廣告政策㗎），文章已經打咗初稿，但一直沒有修改，因為總係差啲咩 ……
直到今朝，終於見到這個打賞功能喺我嘅Facebook上面出現喇😍（因為一直都係歐美地區玩先，亞洲區係冇咁快會有）咁就可以有配圖畀大家參考一下，到底Facebook心目中想大家貢獻幾多錢畀creator呢？或者參考下個打賞匯率。
之前無配圖都係其次，初稿有個假設/推演我事後先想起，Libra一直都出唔到，但朱西伯伯明白這是一個非常龐大的市場，他總不能放棄這口肥豬肉，左改右改改到今年都仲未出到，現在終於知道他要將Libra改為Diem，似乎真係有啲機會出到場。
咁Diem同打賞功能有咩關係先？
有人嘅地方就有社交媒體，有交易嘅地方就有錢包同token，明就明，唔明就家明。
講到呢度，電子錢包、Blockchain、虛擬貨幣嘅一切後續，都同其他Fintech嘅故事差不多，差在最終會唔會可以用Facebook錢包買賣金股債（我諗到嘅，朱西伯伯應該一早就諗過，除非唔係）。
假如、假如、假如Star只係一個幌子，或者咁講，係一個測試ecosystem的第一步，個故事可以係：
1）follower打賞Star幣
2）creator收到Star幣放喺錢包
3）creator用平台錢包喺IG shop/FB shop買外賣/袋/錶/NFT
4）商家收到Star幣繼續喺FB落廣告/入貨
……
成個故事可能最終都要用美元出金作結，但至少玩咗四五個step，已經夠玩。將 “star幣” 改為Diem，ecosystem連埋落「元宇宙」，咁樣脈絡就清晰好多。
講到咁，係咪要投資Facebook?
利申我有，呢個晨早note不構成買賣邀約呀嗱。
（本文發佈於2021年8月9日patreon；至於文中提到上年11月篇文章執完先放出嚟啦😬無謂獻醜）
相關文章：
